Home > Lesson 9
Lesson 9:
Lucretius, De rerum natura 5.783-794b
Principio genus herbarum viridemque nitorem
terra dedit circum collis camposque per omnis,
785florida fulserunt viridanti prata colore
arboribusque datumst variis exinde per auras
crescendo magnum inmissis certamen habenis.
ut pluma atque pili primum saetaeque creantur
quadripedum membris et corpore pennipotentum,
790sic nova tum tellus herbas virgultaque primum
sustulit, inde loci mortalia saecla creavit
multa modis multis varia ratione coorta.
nam neque de caelo cecidisse animalia possunt
nec terrestria de salsis exisse lacunis.